إعـــــــلان

Collapse
No announcement yet.

ابناء المراجع - سيد عمار احترم عقولنه تره كفرتونه -فرحان العراقي

Collapse
X
 
  • Filter
  • الوقت
  • Show
Clear All
new posts
  • السادن
    عضو نشيط
    • 18-02-2009
    • 389

    ابناء المراجع - سيد عمار احترم عقولنه تره كفرتونه -فرحان العراقي

    عمي والعباس ابو راس الحار انت سيد ومحد مچذبك وهذا نسبك ومن حقك تفخر بيه ,بس لاتنسه النبي چدك چان متواضع وچان البدوي ايچره من ثوبه ويسعله وانت الي يبوسك من ذولي المتخلفين تمسح عباتك وتنگته خاف الكشخه تخرب وحتى جدك علي ع چان يگعد ويه الايتام وملابسه متواضعه وياكل اقل من الفقير وشوف انت شنو اتسوي وشوف قاعاتك الصفره الي كلفت الدوله مليارات وقصورك شوفه بلله تشبه بيت امير المؤمنين بالكوفه الذي ظل شاهد لليوم على زيفكم وچذبكم وتكبركم وشمخرتكم وفوگهه تسمونه معدان ومتخلفين موصح عليك العباس ابو فاضل ؟…مو مرجعية محمد صادق الصدر اتسمونه مرجعية المعدان چيف ال الصدر الاصلاء اتبسطو ويانه وعاشو همنه وقهرنه ,نسيتو شنو اتهمتو الرجال من چنتو بايران….بس مو وكتهه هسه الوضع مايتحمل… بس لواعرف من يا آيه بالقرعان چبتو هاي القداسه والنفخه الچذابه لرواحكم چا فخت!!!.


    ولازم يعرف سماحتكم الناعم الما لازم كرك بحياته ولاشايل طاسة جَبِن…احنه بعد مو ذاك الشعب الساذج الي يركض وراكم مغمض بس لان ابن فلان وعلان او من عائلة فلتان, لا بويه لا..وكافي عيب تخلون ارواحكم مثل اميرالمؤمنين ,انتم ماتچوون لنعاله الله وكيلكم واليختلف وياكم اطلعونه ابن حرام ولازم يسال امه زانيه بيهه لو لا…هاي سالفه انفرد بيه ابو الحسن انتم شعليكم لطشتوله وتضحكون على المطايا اليمكم…..يعني على حچيكم الفرس من نسب سلمان الفارسي ينحسبون من اهل البيت لان النبي گال (سلمان منا اهل البيت) واذا ابوي لو چدي صيهود جان دختور اني كون ايخلوني بمچانه اعالج الناس بكيفي ,لا دراسه ولا تعب.. تره ماصايره ولا دايره .

    سويتلك تاريخ جهادي غصبن علينه وگلنه يمكن چان ايجاهد شو هيه تايهه ياهو اليقره ياهو اليكتب.. وذاك اليوم بقناة المنار سويت روحك جيمس بوند وتگول چنت توصل رسائل للشهيد الصدر ايام الحصار وانت چان عمرك لو سبعه لو سته گبل لاتشلع ويه ابوك لايران…وحچاهه النعماني بكتابه ( سنوات المحنه وايام الحصار) محد وصل للسيد ومحد فك الحصارعنه الا سرسرية النجف, بعد شلك بهذا اللفح ياعمي, هو ابو السبعه يعرف يسولف حتى يشتغل امن لا وبزمن ابن صبيحه وهاي هم بلعناهه بمزاجنه,,

    وانوب اخذت المجلس افلاحه ملاچه وگلنه شكو بيه , سيد وابن سيد وابن علويه وهسه ظليت تصرح بكيفك يوميه انبارك الصامده ومطالبهم مشروعه ومانعرف صامده ضد منو؟ ضد الجيش..لو ضد الارهاب, تحچي الچلمه مگطومه وتقبل وجهين..وتروح لقطر والسعوديه وانت تدري كل المصايب تچينه منهم شنهي طرگاعتك ماندري …وعبيدك تارسين الفضائيات ايشرحون ويردون ليوره ..وتالي البصره ام الخير طلعت مو خوش ومظاهراته مشبوهه وكتلتو اثنين شباب يسوون راس النصراوي الحرامي والف مثله من المجلس المصخم.

    وتره احنه مو مثل اجدادنه نبوس بديكم الترفه مع انهو اهلنه چانو ايسوونه لخاطر النبي مو لان انتم اخير منهم وموعبوديه مثل ماگالولكم اهلكم بس امبين عليكم كيفتو على هاي السالفه واستفلكتو الوضع كلش وانشوف حتى سماحات زعاطيطكم نافخين ريشاتهم على فروخنه ومايگولون اسماءهم الا اني السيد فلان ابن السيد فلان ابن السيد فلان, يعني هو اذا سيد خوب اكيد ابوه سيد.. بعد شنو هاي اللغوه وشنو هذه النرجسية الطاحت عليكم ,لا دمكم ازرك ولا نوعيه نادره وماعدكم اي فضل على الشعب الي الله بلاه بيكم بعد ابن صبحه..وتاريخكم مايطيكم الحگ بنهب فليساتنه واللعب بارواحنه وارواح ولدنه.

    اگول سمي بالرحمان سيد عمار وگول يالله وكافي تستغلون الدين وتفتون بكيفكم تره ماكو ديمقراطيه تچي بالفتوه والسالفه ماله علاقه بالحلال والحرام, هي لو شورى لو تنصيب, خوب گولو احنه ورثناكم ويه لبسانه وعمايمنه واحنه بس انكول صار سيد , تامر سيد !!

    بطلو وكافي تگمزون على روس الفقره وعايفينهم بليه كهرباء ولا رواتب ولا شغل بس من تگب العيطه اتريدنهم ايدافعون عنكم وعن جعوبتكم المقدسه وكله بسم الله ورسوله والله بريء منكم ومن بوگكم وچذبکم والمصيبه مستلمنه ذمه بالمؤتمرات والخطب وتثرم بصل بروس الناس وتلغف بهاي الفلوس مال المعدان والناس عايشه بكسافه ومسلوگه من الحر والقهر والموت.

    وحتى لاتخبص روحك وتگول ابوي وعمي وجدي وال الحكيم وتاريخهم…تره ابن نوح ماصعد ويه ابوه بالسفينه اولد يعقوب خانو ابوهم وذبو اخوهم بالبير وعقيل عاف علي ع وراح ويه معاويه يضرب قوزي وجعفر ابن علي الهادي چان عراگ اکشر وهو ابن امام واخو امام وعم الامام الحجه , فكل ذوله چانو من سلالة الانبياء واليمه بس مافادهم النسب ولا القرابه والتاريخ لعنهم ونبذهم وازيدك من الشعر بيت, لاتخلي روحك بسد المراجع وحاسب روحك وياهم وتخرط بكيفك..تره اكو شيوخ بالحوزه چانو يكتبون تقارير لصدام وهاي حچاهه مدير الامن فاضل البراك للشهيد محمد باقرالصدر نفسه.

    وانت ياعمار مو اخير منهم وهيه شو اچتك عدله ومسنعه ومحد نافسك عليه ولغفت الاول والتالي وصرت قائد بليله ويوم يعني خلصنه من عبودية البعث دخلنه بسراديبكم وعبودية ولد المراجع.

    ندري همه المعممين الله ايجثرهم شغلهم ايعلمونه الدين وبس لو اشترونه ويه سبحهم ومحابسهم الفضه ,اذا مشترينه عمي راوونه صكوك العبوديه ؟ حتى نفوخ خاف انخالفكم ويروح الله ايچوينه بالنار يوم الغيامه… انوب تره احچي بالقلم العريض وروح هو چدي صيهود …مو تگول ماگال.

Working...
X
😀
🥰
🤢
😎
😡
👍
👎