ياكمر شعبان اسمع من شعيب
ناصح وصدك يريدلك نصح
الكمر مو انت ياصاحب ضياء
الكمر عباس طل مثل الصبح
ياكمر هاشم ترى بيك الافراح
والشهر لولاك ماحصل مدح
ولولا ذكرى حسين وي زين العباد
كلمة فخروالشعبان صدك ما تصح
انت امك ياكمر ام البنين
شامخة انساب ولحيدر ربح
من انولد عباس قبلوها الجفوف
حيدر وي الحسن هالنشمي السمح
والحسين انوب قبلها بحنان
وزينب الحوراء حست بالجرح
لان شافت جود مربوط بلواء
وشافت الموضوع محتاج الشرح
سئلت الكرار هالمشهد غريب
واسئلة بالبال هالكامت تلح
جاوبت ام البنين بهالكلام
اني ناذرت الوليد الكم ذبح
اني ناذرته درع لاجل الحسين
وكافل الحوراء بيوم الي تشح
ساعة الشدات معروف الكفيل
يلوي عنك النهر لو صاير وكح
وادري ابني الكنطرة تشهد عليه
النهروان بصغر سنة ينفضح
وادري ابني الناس ماتكدر تجيه
وهم شفت قمة يصل ليها السفح
وادري ابني بكربلا ينطي الجفوف
وادري منا الراس مصيوب بجرح
ابني حيدر ترى سماه الكفيل
ويبقى كافل ابد ما يقبل قدح
يكفل الانصار في وقت القيام
لاحمد الراية يسلمها بفتح